More Raça zgjedhet ambasadore e Balkans Beyond Borders

Regjisorja dhe skenaristja nga Kosova, More Raça, është zgjedhur Ambasadore e Kosovës në organizatën Ballkani Përtej Kufijve (BBB).

Ballkani Përtej Kufijve (ang. Balkans Beyond Borders) është një organizatë joqeveritare e përkushtuar për nxitjen e mobilitetit dhe bashkëpunimit të të rinjve në Ballkan, duke përdorur artin e krijimit të filmave të shkurtër dhe fuqinë e imazhit.

Ballkani Përtej Kufijve synon të kontribuojë për një të ardhme më të mirë dhe evropianizim të Ballkanit.

Qëllimi organizatës është të përmirësojmë bashkëpunimin midis festivaleve lokale, qendrave të filmit dhe seminareve filmike me qëllim të krijimit të një rrjeti ndër-ballkanik që mund të promovojë në mënyrë efikase punën e artistëve të rinj nga rajoni dhe më gjerë, si dhe kulturën dhe diversitetin e Ballkanit për një audiencë ndërkombëtare.